بعد ده كله مش هتذاكر كويس برده؟؟؟

بسم الله والصلاة والسلام على أشرف الخلق رسول الله عليه أفضل الصلوات والتسليم

اخوانى واخواتى فى الله الطلبة والطالبات
عندى لكم رسالة
من كل مسلم ممكن تكونوا سببا فى عزته
ايوة انتوا ممكن تكونوا سبب فى عزة مسلمين كتير فى المجتمع
أو تكونوا برده سبب سخط واستهزاء المجتمع منهم

أيوة ياجماعة فعليكم مسؤولية كبيرة فى ده
ومسؤولية هيترتب عليها نظرة مجتمع للملتزمين

للأسف شايفة اخوات واحتمال برده يكون فى أخوة بيلعبوا وبيضيعوا وقت كتير فيما لا يفيد
واحنا أيام الامتحانات

واللى عايزة أقولهلكم حاجة
ليه الملتزم يكون أقل من اللى مش ملتزم فى الدرجات أو التقديرات؟؟؟؟؟
ليه الأوائل على الدفعة يكونوا المتبرجات مش المنتقبات
((إلا من رحم ربى))

ياجماعة انتوا دلوقتى بتمثلوا الملتزمين فى كلياتكم ومدارسكم
ليه تمثلوهم بصورة مش تمام وتشيلوا مواد وتجيبوا تقديرات قليلة؟؟؟
ليه متذاكروش كويس جدا وتستغلوا كل وقت عندكم ممكن بيضيع فى مكالمات تليفونية ملهاش لازمة أو شات على النت ملهوش لازمة؟؟؟؟؟

ياجماعة متخلوش المجتمع يقول : عشان هو بيصلى كل الصلوات فى المسجد وقته بيضيع وعشان كدة تقديراته قليلة
متخلوش حد يقول شفتم عشان بتحضر دروس فى المساجد شالت مادتين وناجحة بالرفع فى الباقى

احتسبوا المذاكرة ديه لله
احتسبوا النية
أولا :عشان يكون منكم الطبيب الناجح والمدرس الذى يتقى الله والمهندس المتفوق
ثانيا :عشان تكونوا ممن يعملوا العمل باتقان واخلاص فقد قال رسول الله صلى الله عليه وسلم : (( إن الله يحب إذا عمل أحدكم عملا أن يتقنه ))
ثالثا :أن تكونوا خير قدوة للناس أن الملتزم نال الدنيا والآخرة برضا الله عنه وأن تكونوا مثال طيب للمسلمين فى اماكنكم

وأخيرا أسأل الله لكل الطلبة النجاح والتوفيق
وأن يجعل منهم خير شباب لخير أمة

ويالا بقى شوفوا مذاكرتكم بارك الله فيكم